Kampen mot ugras i enga startar i attlegget. Held du nede og hindrar etablering av ugras i attleggsåret hjelper du enga til å bli tett og motstandsdyktig mot ugras i seinare engår.
Av: Turid Fitjar, rådgjevar drøv og plantekultur
Det er viktig å sprøyta til riktig tidspunkt. Dei små spirene toler ikkje så sterke dosar som ein kan nytta i etablert eng, difor er det viktig å sprøyta medan ugraset er lite (frå frøblad til 4 varige blad) for å få effekt.
I attlegg med kløver er det kløveren som avgjer sprøytetidspunktet. Rett tidspunkt for sprøyting er når kløveren har eitt til to trekopla blad (= vanlige kløverblad). I attlegg med rødkløver anbefaler me sprøyting med ei blanding av Trimmer + MCPA eller Gratil + MCPA. I attlegg med kvitkløver eller andre planter i erteblomstfamilien bør ein nytta middelet Basagran.
Dei små plantene mellom radene ser uskuldige ut, men dette er rett tidspunkt for å nedkjempa dei.
I attlegg utan kløver kan du sprøyta frå graset har 2 blad. Ein virkningstabell kan vera nyttig for å finna det middelet eller den blandinga som er best mot de ugrasfloraen du har i enga. Ei god og allsidig blanding til attlegg utan kløver er Trimmer + Starane XL.
Kløver med eit trekopla blad, rett tidspunkt for sprøyting i attlegget.