---
title: Fire bønder i Breim med ytingar over 10.000 liter
description: Jordbruksbygda Breim i Gloppen i Sogn og Fjordane har ein aktiv og omfattande mjølkeproduksjon. Fire av bøndene hadde buskapar med mjølkeyting over 10.000 liter mjølk (EKM) i 2014. Desse og 24 andre i landstoppen fekk blomster av Fiskå Mølle for den høge ytinga. – Vi triggar kvarandre til betre resultat, seier Breim-bøndene.
---

[Kunnskap ](https://www.fiska.no/kunnskap)

# [Fire bønder i Breim med ytingar over 10.000 liter](https://www.fiska.no/kunnskap/2015/july/fire-boender-i-breim-med-ytingar-over-10000-liter/)

 Skrevet av [Fiskå](https://www.fiska.no/kunnskap/author/fiskå) | Jul 1, 2015 2:32:00 PM

Jordbruksbygda Breim i Gloppen i Sogn og Fjordane har ein aktiv og omfattande mjølkeproduksjon. Fire av bøndene hadde buskapar med mjølkeyting over 10.000 liter mjølk (EKM) i 2014. Desse og 24 andre i landstoppen fekk blomster av Fiskå Mølle for den høge ytinga. – Vi triggar kvarandre til betre resultat, seier Breim-bøndene.

 

- Målet må vere å ligge litt framfor snittet i landet. Og for å få resultat kan ein ikkje gå rundt å sjå på klokka og vente at ein er ferdige til det og det tidspunktet, seier ein av bøndene, Kjell Paulen, til lokalavisa Firda.

Firda var med då produktsjef Kjell-Rune Vik og kundekontakt Jan Ove Hafstad i Fiskå Mølle overleverte blomster til Paulen og dei tre andre bøndene som takk for innsatsen i 2014.

*Vi er imponerte over kor dyktige dei er, og er stolte og audmjuke over at **vi får vere leverandør av kraftfôr til desse flinke produsentane, seier Vik.*

 

#### ****

 

#### **FOKUS PÅ DYRESTELL**

Dei fire Breim-bøndene hadde ei mjølkemengd på over 10.000 liter per  
mjølkeku i fjor. 32 år gamle Karl Mattis Haugland Persson kom høgst av dei fire, og ligg som nummer 11 i landet. Han kan vise til ei mjølkemengd på 10.890 liter per ku.  
Persson tok over drifta etter faren og byrja som fulltidsbonde i 2003. I 2013 bygde han ny fjøs med mjølkerobot. Sidan har mjølkemengda auka med over 2000 liter per ku. Trass i moderne utstyr, trekkjer han fram dyrestellet som ein avgjerande faktor for dei gode resultata.

 

- Det er viktig å få fram at det å gjere ein god jobb i fjøsen verkar. For trass i at ein har fått inn robot som mjølkar, så må ein bruke minst like mykje tid i fjøsen. Dyra skal ha tilgang til godt  
grovfôr heile dagen, og ein må følgje med om ting går slik det skal, seier Persson til Firda.

Kjell-Rune Vik understrekar betydinga av eit godt kalvestell og eit godt kvigeoppdrett, noko alle desse bøndene har lagt vekt på.

– Kvigene blir større og meir livskraftige, og gir ein høgare mjølkeyting i første laktasjon. Her får ein stor gevinst av aktiv innsats i oppdrettet, seier han.

- Godt surfôr og kraftfôr er óg sentralt. TopLac og litt Fibermix fungerer svært godt til alle her i kombinasjon med totrinnshausta surfôr, legger han til.

 

 

#### GODT LANDBRUKSMILJØ

Breim og Gloppen er kjende for å ha eit godt miljø for  
landbruk. Bøndene motiverer og rådfører seg med kvarandre, og det gjer utslag på resultata.

- Det triggar ein jo å sjå at naboen gjer det bra. Då tenkjer ein at når dei greier det, så må eg og greie det, seier Per Jarle Myklebust til Firda.

- Samtidig har det danna seg eit miljø som fleire nyt godt av. Er det noko ein slit med, så har ein nokon å spørje om råd, seier Kjell Paulen til avisa.

[Vis hele posten](https://www.fiska.no/kunnskap/2015/july/fire-boender-i-breim-med-ytingar-over-10000-liter/)

```json
{
  "@context" : "http://schema.org",
  "@type" : "BlogPosting",
  "author" : {
    "@type" : "Person",
    "name" : "Fiskå"
  },
  "dateModified" : "2020-04-29T14:33:04.500Z",
  "datePublished" : "2015-07-01T14:32:00Z",
  "headline" : "Fire bønder i Breim med ytingar over 10.000 liter",
  "image" : {
    "@type" : "ImageObject",
    "height" : 550,
    "url" : "https://cdn2.hubspot.net/hubfs/7401066/Kunnskap%20bilder/4%20%2812%29.jpg",
    "width" : 1140
  },
  "mainEntityOfPage" : "https://www.fiska.no/kunnskap/2015/july/fire-boender-i-breim-med-ytingar-over-10000-liter/",
  "publisher" : {
    "@type" : "Organization",
    "logo" : {
      "@type" : "ImageObject",
      "height" : 60,
      "url" : "/hs/hsstatic/content_shared_assets/static-1.4092/img/default-amp-logo.png",
      "width" : 60
    },
    "name" : "Kunnskap"
  }
}
```