---
title: HELGJØDSEL– den mest aktuelle organiske mineralgjødsla til beite for kommande vekstsesong
description: Helgjødsel er etter kvart godt innarbeid i landbruket vårt. Det er viktig at fleire velger dette som første alternativ for kommande vekstsesong.
---

[Kunnskap ](https://www.fiska.no/kunnskap)

# [HELGJØDSEL– den mest aktuelle organiske mineralgjødsla til beite for kommande vekstsesong](https://www.fiska.no/kunnskap/2020/mars/helgjødsel-den-mest-aktuelle-organiske-mineralgjoedsla-til-beite-for-kommande-vekstsesong/)

 Skrevet av [Fiskå](https://www.fiska.no/kunnskap/author/fiskå) | Mar 1, 2020 9:32:00 AM

*Ragnvald Gramstad, Norsk Naturgjødsel*

**Helgjødsel er etter kvart godt innarbeid i landbruket vårt. Det er viktig at fleire velger dette som første alternativ for kommande vekstsesong. Denne gjødsla bør prioriterast framfor mineralgjødsel 22-2-12 eller 18-3-15. Dette fordi ein vil få eit rimelegare alternativ, og ein slepp tilføra meir fosfor enn naudsynt for optimal vekst. Altså eit betre miljø- og klimatiltak.**

 

#### LITT OM HELGJØDSEL

Helgjødsla vert produsert på Sele i Klepp kommune på Jæren, kor høne- og kyllinggjødsel inngår som bindemiddel i produksjonen. Det vert i tillegg tilført nitrogen, kalium med tillegg av kopar og kobolt. I dag kan ein få Helgjødsel 18-1-10 tilsett selen, og alternativt tilsett både selen og kobolt. Produksjon av Helgjødsel er eit særs viktig tiltak for landbruket vårt i frigjering av spreieareal og resirkulering av næringsstoff. Plantetilgjengeleg fosfor kjem kun frå høne/ kyllinggjødsla i Helgjødsla.

 

#### DOKUMENTASJON

Helgjødsel har gjennom dei siste 20 åra vore utprøvd gjennom ulike forsøk i eng og beite. Det er godt dokumentert med omsyn til avling i både mengde og kvalitet i høve til vanleg mineralgjødsel. Det er bra dokumentert verknad av tilført kobolt og selen. Det har vist positiv langtidsverknad av Helgjødsel i beite i høve til vanleg mineralgjødsel. Hønegjødsel- delen avgir truleg N-verknad over litt lengre tid, og erfaringane viser særs god avbeiting. 

#### VÅRGJØDSLING TIL BEITER UTAN BRUK AV HUSDYRGJØDSEL, 40 KG/DAA HELGJØDSEL 18-1-10 M/SELEN

Dersom ein vil sikra tilføring av kobolt vel ein å få gjødsla levert med kobolt. Ein kan også få Helgjødsel m/kopar, eventuelt også med kobolt. Helgjødsel med kopar kan vera eit godt tiltak for å vedlikehaldsgjødsla med kopar om ein har behov for det. Kobolt må ein tilføra kvart år.

 

#### VÅRGJØDSLING TIL BEITE MED BRUK AV HUSDYRGJØDSEL

I slike høve kan det vera mest fagleg rett med om lag 2,5 tonn blautgjødsel storfe/daa i tillegg til ca. 15-20 kg/daa kalkammonsalpeter, men ein kan alternativt bruka 20-25 kg Helgjødsel 18-1-10/daa om våren og tilføra 20-25 kg Helgjødsel 18-1-10 /daa til første overgjødsling i juni. I byrjinga av juni og i samband med 1. overgjødsling kan det vera aktuelt med tilføring av selen og/eller kobolt. Då kan ein alternativt nytta Helgjødsel 18-1-10 med om lag 40 kg/daa. Dersom ein meiner dette vert litt vel mykje nitrogen i ein omgang, kan ein fordela dette med om lag 20-25 kg/daa med fire vekers mellomrom. Då vil ein sikra høveleg tilføring av selen og eventuelt kobolt i beitetida.

 

#### GRASAREAL UTAN BRUK AV HUSDYRGJØDSEL

I slike situasjonar bør Helgjødsel 18-1-10 vera eit særs godt alternativ til tradisjonell mineralgjødsel. Om våren: God eng til siloslått: 80-90 kg/daa. Etter 1. slått: 55 kg/daa. Om våren: Eng til høyslått: 55 kg/daa. Etter 1. slått: 55 kg/daa.

[Vis hele posten](https://www.fiska.no/kunnskap/2020/mars/helgjødsel-den-mest-aktuelle-organiske-mineralgjoedsla-til-beite-for-kommande-vekstsesong/)

```json
{
  "@context" : "http://schema.org",
  "@type" : "BlogPosting",
  "author" : {
    "@type" : "Person",
    "name" : "Fiskå"
  },
  "dateModified" : "2020-04-30T10:27:21.915Z",
  "datePublished" : "2020-03-01T09:32:00Z",
  "headline" : "HELGJØDSEL– den mest aktuelle organiske mineralgjødsla til beite for kommande vekstsesong",
  "image" : {
    "@type" : "ImageObject",
    "height" : 550,
    "url" : "https://cdn2.hubspot.net/hubfs/7401066/bilde-til-helgjoedsel-sak.jpg",
    "width" : 1140
  },
  "mainEntityOfPage" : "https://www.fiska.no/kunnskap/2020/mars/helgjødsel-den-mest-aktuelle-organiske-mineralgjoedsla-til-beite-for-kommande-vekstsesong/",
  "publisher" : {
    "@type" : "Organization",
    "logo" : {
      "@type" : "ImageObject",
      "height" : 60,
      "url" : "/hs/hsstatic/content_shared_assets/static-1.4092/img/default-amp-logo.png",
      "width" : 60
    },
    "name" : "Kunnskap"
  }
}
```